(976) 70118585
info@erdenestt.mn
Захирлын мэндчилгээ“Эрдэнэс Таван толгой” ХК-ийн цахим орчинд зочилж буй эрхэм танд энэ өдрийн мэндийг дэвшүүлье. “Эрдэнэс Тавантолгой” ХК-нь 2010 оны 12 дугаар сарын 23-ны өдөр байгуулагдан стратегийн ач холбогдол бүхий Тавантолгойн нүүрсний орд газарт ашиглалтын үйл ажиллагаа явуулан ажиллаж байна. Монгол хүн бүр 1072 хувьцаа эзэмшдэг энэ ордоо эдийн засгийн эргэлтэд оруулах хариуцлагатай үүргийг бид гардан хариуцаж гүйцэтгэх юм. Бидний өмнө хийж хэрэгжүүлсэн хийгээд хийхээр төлөвлөж буй ажлууд бий. Цанхийн Зүүн талбайд үйл ажиллагаа явуулж буй “Эрдэнэс-ТТ” уурхай нь жилд 20 сая тонн нүүрс олборлох хүчин чадалтай бөгөөд 2016 онд бүрэн хүчин чадалдаа хүрнэ. Уурхайгаас 2012 оны 11 дүгээр сарын 29-ний байдлаар 2,36 сая тонн нүүрс олборлосноос 2,19 сая тонн нүүрс экспортод гаргасан нь хамт олны минь зүтгэлийн нэгэн илэрхийлэл юм. Таны, миний, бидний өмч болсон Тавантолгойн ордыг эдийн засгийн эргэлтэд оруулж, монгол хүн бүрт хувь хүртээх эрхэм хариуцлагатай үүргийг гүйцэтгэхэд “Эрдэнэс Тавантолгой” ХК-ийн эвсэг хамт олны хичээнгүй зүтгэл их гэдгийг онцолъё. Эрхэм уншигч та “Эрдэнэс Таван Толгой” ХК болон Тавантолгой ордын талаарх цогц мэдээллийг манай байгууллагын цахим орчноор дамжуулан авах боломжтой. Та манай цахим орчны байнгын зочин, зөвлөгч болно гэдэгт эргэлзэхгүй байна.
“Эрдэнэс Тавантолгой” ХК-ийн гүйцэтгэх захирал Я.Батсуурь |
|
Баяжуулах /угаах/ үйлдвэр
Цанхийн зүүн хэсгийн уурхайгаас олборлож байгаа нүүрсийг нойтон аргаар, хамгийн орчин үеийн техник –технологоор баяжуулахаар төлөвлөж байна.Нүүрсийг баяжуулах гол зорилго нь нүүрсэн дэх органик бус механик хольцийг цэвэрлэх нүүрсний илчлэгийг дээшлүүлэх, үнслэгийг бууруулахад орших бөгөөд баяжуулах нь коксжуулах, хийжүүлэх, шингэрүүлэх гэх мэт технологийн процессын урьдчилсан нөхцөл болох юм.
Дэлгэрэнгүй...
Цахилгаан станц
“Эрдэнэс Таван толгой” ХК нь Таван толгойн ордын Цанхийн зүүн хэсэгт жилд 20 сая тн нүүрс олборлолт хийх бөгөөд ордыг түшиглэн барих, баяжуулах үйлдвэр, ус хангамжийн байгууламж, хотхон, бусад барилга байгууламжуудын нийт эрчим хүчний хэрэгцээ нь 85 МВт орчим болох юм. Мөн стратегийн хөрөнгө оруулагчийг сонгон шалгаруулах Цанхийн баруун хэсгийн эрчим хүчний хэрэглээ нь зүүн хэсгийн эрчим хүчний хэрэглээтэй ойролцоо байхаар байна. Өөрөөр хэлбэл, Таван толгой төслийн эрчим хүчний нийт хэрэгцээ ойролцоогоор 170 МВт орчим болох бөгөөд цаашлаад бүс нутгийн эрчим хүчний хэрэгцээг хангах шаардлагатай
Дэлгэрэнгүй...
Усан хангамж
Таван толгойн ордыг ашиглах зорилгоор тус бүс нутагт 1980-аад оны дунд үеэс эхлэн усны хайгуулын ажлыг эрчимтэй явуулсны үр дүнд усны хэд хэдэн сав газруудыг илрүүлсэн байна. Үүнд:
Балгасын улаан нуурын хэсэг-Таван толгойгоос баруун өмнө зүгт 70 км-ийн зайд орших энэ орд нь усны гол нөөц бөгөөд 27 жил ашиглах боломжтой юм.
Зайрмагтайн хэсэг-Энэхүү орд нь газар доорхи усны нөөцөд хамаарах ба 27 жил ашиглах боломжтой.
Наймант ба Цэцэн-Уулын хэсэг-Эдгээр хэсгүүдэд томоохон хэрэглэгчийг хангахуйц хэмжээний усны нөөц тогтоогдоогүй боловч бага хэмжээний ус авч хэрэглэх боломжтой
Дэлгэрэнгүй...
Зам тээвэр
“Эрдэнэс-Таван толгой” ХК-ийн анхны нүүрсний экспортын тээвэрлэлт 2011 оны 8 дугаар сарын 4-ний өдөр Өмнөговь аймгийн Цогтцэций сумын нутагт байрлах стратегийн ач холбогдол бүхий Таван толгой ордын Цанхийн зүүн хэсэг буюу Эрдэнэс-ТТ уурхайгаас эхэлсэн.
Энэ онд “Эрдэнэс-Таван толгой” ХК нь Тавантолгой-Гашуунсухайт чиглэлийн, хоёр урсгалтай, хатуу хучилттай, нүүрс тээврийн 235 км авто замын бүтээн байгуулалтын ажлыг шинээр эхлүүлэх зорилт тавин ажиллаж байна. Энэхүү бүтээн байгуулалтын ажлыг 2.5 жилийн хугацаанд ашиглалтанд оруулахаар төлөвлөж байгаа бөгөөд уг зам шинээр ашиглалта
Дэлгэрэнгүй...
